Ogibidez konkistatzaile,
Don Juan Oñatek ez zuen atsedenik hartu
Inguruko indiar guztiak menderatu arte.
Hala eta guztiz ere, indiarrak entzun txarrekoak
izaten jarraitzen zuten. Behin, hamalau soldadu hil zituzten.
Don Juanek mendekua agindu zuen,
handik zehar zebiltzan hamalau indiar harrapatu eta
hanka bana moztu zien.
Argi utzi nahi zuen ez zuela gupidarik izango
beste erasoren bat gertatuz gero.
Gaur egun, mende batzuen ostean,
Don Juanen irudi handi bat dago
Santa Fe hiriaren erdigunean. Zaldizko estatua bat.
Bere buruaz ziur dagoela ematen du.
Tira, hanketako bat moztu ez baliote.
- Kirmen Uribe -
iruzkinik ez:
Argitaratu iruzkina